“Есірткінің заңсыз айналымына қатысқаны үшін қылмыстық жауапкершілік туралы” және Нашақорлықтың зардаптары тақырыптарында оқушылармен кездесу

2023 жыл 12 қазан күні Жетісу облысы Полиция департаменті Есірткі қылмысына қарсы іс-қимыл басқармасының жедел уәкілі полиция подполковнигі Искакова Меруерт Сеитовна және Облыстық психикалық денсаулық орталығының дәрігер маманы Мамытай Сералы Мамбеталиұлы “Есірткінің заңсыз айналымына қатысқаны үшін қылмыстық жауапкершілік туралы” және Нашақорлықтың зардаптары тақырыптарында оқушылармен кездесу өткізді.Кездесуде Қазақстан жастарының өмір сүру салты, еліміздегі нашақорлық деңгейі, статистикалық көрсеткіштері талқыланды. Сонымен қатар, бұл жұмыста нашақорлық және жасөспірімдер қылмысы проблемасы, кәмелетке толмағандардың есірткіге құмарлығын қалыптастыруға ықпал ететін факторлар жайлы айтылды. Сөз соңында мамандар оқушыларды жаман әдеттерден аулақ болып, салауатты өмір салтын ұстанып, бос уақытын тиімді істермен айналысуға шақырды. Оқушылар тарапынан сұрақтарын қойып, өзара еркін пікір алмасты.

​https://www.instagram.com/reel/C0R5PjELjDY/?utm_source=ig_web_copy_link&igshid=MzRlODBiNWFlZA==​​​