Құқық бұзушылықтың алдын-алу – басты міндет

19 қаңтар 2023 жылы «Жетісу облысы білім басқармасының Талдықорған қаласы бойынша білім бөлімі» мемлекеттік мекемесінің «Кешкі (ауысымды) мектеп» коммуналдық мемлекеттік мекемесінің оқушыларына «Құқық бұзушылықтың алдын-алу – басты міндет» атты тақырыбында мектепішілік жиналыс өткізілді.

Бұл жиналыстың мақсаты: Білім алушыларға қылмыстың – қоғамға қауіпті әрекеті, оның ішінде кәмелеттік жасқа толмағандардың қылмысы, қылмыстық жауапкершілік, оған қолданылатын   жаза түрлері, құқықтық сауаттылығын арттыру, салауаттылыққа  тәрбиелеп, өз әрекеттеріне баға бере білуге баулу. Ата заңымызға  деген сүйіспеншілік сезімін қалыптастырып, шыншыл да әділетті және парасатты тұлғаны қалыптастыру.

Жиналысқа облыстық маслихат депутаттары, білім бөлімінің мамандары, мектеп инспекторы, сынып жетекшілер және оқушылар қатысты. Күн тәртібінде: Мектептің педагог-психологы Алтыбаева Гулзат Аскаровна «Психологиялық қолдау қажет ететін оқушылардың пайда болуына себепші факторлар», 10 «Б» сынып жетекшісі Толеубаева Алмагуль Адильжановна «Памятка для школьников Кибербулинг», мектеп инспекторы Құсаинова Тоғжан Бақытжанқызы «Жасөспірімдер арасында қылмыс пен құқық бұзушылықтың алдын алу» деген тақырыптарда баяндама оқыды. Жиын соңында оқушылар келген қонақтармен пікір алмасып, өз ойларымен бөлісті.